Семејство од Флорида го чистело таванот од куќата на својот дедо и откриле неколку неверојатни работи. Човечка рака со паричка и мапа за потрага по богатство.
Мики Лопез на новинарите им раскажал дека неговата сестра го чистела таванот и пронашла дрвена кутија во која имало слика од венчавката на нивните прадедо и прабаба, неколку парички и нешто што многу личело на човечка рака.
На мапата бил запишан зборот „Гаспер“ , по што се заклучува дека таа би можела да биде поврзана со легендата за пиратот од Флорида Хосе Гаспер, кој наводно живеел на крајот на 18 и почетокот на 19 век.
Легендата за пиратот од Флорида и натаму живее . Мапата која е пронајдена наводно е копија изработена меѓу 1920 и 1930 година , а паричките се наводно автентичен дел од шпанско богатство.
Експертите се уште се скептични и својот став ќе го знаат и објават по крајот на деталните анализи на пронајдените предмети.
