Канис Веселиновиќ (64), „човекот со стап“ го сруши алибито на Зоран Марјановиќ, сопругот на убиената пејачка Јелена Крсмановиќ (33), кој во полицијата тврдел дека Канис го видел на насипот, додека неговата сопруга трчала.
-Таа сабота бев во Борча во продавница. Се вратив со автобус на линија 104 и излегов на последната станица, кај стадионот во Црвенка – вели Канис Веселиновиќ (64), викан Буцо.
– Од станицата се упатив дома. Одев по вообичаена рута, покрај насипот преку малиот мост. Се движам бавно со помош на стап поради тоа што имав прелом на левата нога, а коската не ми е добро зарасната, поради што нозете ми се уморуваат и дујат. Гледав во земјата и никого не видов – тврди Канис.
Тој, меѓутоа не може да прецизира во кое време поминувал покрај насипот, освен дека била квечерина.
-Не знам колку било часот. Часовник како што гледате не носам, а не носам ниту мобилен телефон поради тоа што неколку пати ми има паднато во водата. А немам причина ниту да знам колку е часот бидејќи никаде не се брзам – појаснил Буцо, кој веста за убиството на пејачката ја слушнал по неколку дена и тоа на телевизија.
Канис бил испрашан од полицијата, а бил и на полиграфско испрашување.
-На инспекторите им кажав се што знам, а тоа дека таа сабота не видов никој. Ми беше непријатно на полиграфот. Сешто ви поминува низ глава кога ќе седнете на тоа столче – појаснил Канис за медиумите.
За него и полиграфот потврдил дека ја зборува вистината.
