Во текот на минатиот ден, полицијата евидентирала две тешки кражби во поплавените подрачја во скопско. Според соопштението, во првиот случај од автомобил во село Сингелиќ е украден акумулатор. Во вториот случај кражбата се случила во основното училиште „25-ти Мај“, така што одземени се два рутери од Телеком, а оштетени се фотокопир, неколку радијатори, проектор, ТВ приемник и скршено е едно стакло од прозорците. Од Министерството за внатрешни работи истакнаа дека се преземаат мерки за пронаоѓање на сторителите.
Дополнително, во соопштението е наведено дека се евидентирани 44 пријави од граѓани кои пријавиле поплавени домови, возила, ниви и друг имот, како и штети од невремето.
