Командирот на противпожарната бригада на град Скопје Благоја Менковски е разрешен. На негово место веднаш е именуван Ѕвонко Томески.
Менковски го потврди неговото разрешување, но не сакаше да коментира ниту за причините, ниту дали го очекувал ова. Тој само рече дека совесно ја извршувал својата работа и функција речиси 40 години.
– Досега, речиси 17 години како командир сум одговорил на сите предизвици и немало забелешки за мојата работа – изјави разрешениот Менковски.
