Кон крајот на минатата година Србија и регионот останаа во шок кога Марко Јовановиќ (27) на монструозен начин го уби својот цимер во затвор во „Падинска скела“.
За потсетување, Марко Јовановиќ (27) му го пресече вратот на цимерот Рамиз Шариќ (34), а потоа му ги изеде ушите. Со неговата крв пишувал по ѕидовите, па набрзо беше наречен српски Ханибал Лектор.
Обдукцијата покажа дека Јовановиќ најпрво го онесвестил несреќниот Рамиз, а потоа му го пресекол вратот.
– Кога видел дека Шариќ е мртов, Jовановиќ најверојатно од досада почнал да му ги јаде ушите. По ѕидовите од ќелијата пишувал знаци со крвта на убиениот, – вели изворот на српски „Ало“.
Марко ниту по шест месеци не сака да каже зошто го направил тоа. Инаку, Јовановиќ е осуден на максимална затворска казна поради двојно убиство – на девојка и на сосед. Добил максимална казна, поточно 40 години.
– Претпоставуваме дека нема потреба да се правда, затоа што веќе доби максимална казна од 40 години, – вели изворот.
