Прифатилиште за улични животни во рамките на општина Аеродром, едукативни и информативни кампањи, субвенции за вдомување миленик и мрежа на „старатели“ на бездомните животни предложија граѓанските здруженија и активисти за заштита на правата на животните на средбата со градоначалникот на Златко Марин.
На средбата присуствуваа и Ана Марија Бранѓолица од ЈП „Комунална хигиена“, директорот на Агенцијата за храна и ветеринарство Зоран Атанасов и претставници на локалната полициска станица и стационарот Вардариште.
По внимателно разгледување на сите мерки, општина Аеродром ќе состави и план за реализација со избраните активности.
Од општината информираат дека ќе ја интензивираат соработката со граѓанскиот сектор и соодветните надлежни институции за да може да се делува координирано и ефикасно.
