Зоран Заев на среде рокот за водење на референдумска кампања, мора да застане со лагите, манипулацијата, заканите и поткупот на гласачкото право. Каква ќе биде „Непријатната измена“ и како ќе гласи Преамбулата според грчките условувања?
Зоран Заев мора да каже што договорил и што прифатил да се избрише од Уставот согласно прифатените грчки услови во Капитулацијата. Мора да каже каква „Непријатна измена“ подготвил на Уставот на Република Македонија и за каква држава ги тера граѓаните да гласаат?
Зоран Заев мора да престане да го лаже и плаши народот само да му мине капитулацијата. Мора да престане да го руши угледот на меѓународните организации, злоупотребувајќи го во своите лаги. Заев, одважи се и издигни се над твоето плашливо зајачко срце и кажи што прифати од грчките условувања, што ќе менуваш во Уставот, во Преамбулата, во членот 3 во членот 49, во целиот Устав на Република Македонија.
Заев очекува македонскиот народ да се самоукине, да го смени идентитетот, името и Уставот, само заради тоа што тој вели дека постигнал добар договор и дека во ЕУ добро се живеело. Народот чека Заев да каже што е тоа што е непријатно, повторувам, непријатно во е договореното за да го сподели со јавноста.
Зоране Заев, дали ќе ги избришеш Државно – правните традиции на Крушевската Република и историските одлуки на АСНОМ? Дали побараа од тебе да ги избришеш народноослободителните војни на Македонија? Дали прогонуваните и затвораните за идеите за самобитноста на македонскиот народ и неговата државност? Дали Грците побараа од тебе, а ти спроведуваш бришење во Уставот дека „Републиката се грижи за положбата и правата на припадниците на македонскиот народ во соседните земји и за иселениците од Македонија, го помага нивниот културен развој и ги унапредува врските со нив“? Дали ќе ја избришеш Македонската православна црква?
СДСМ, Заев, Шекеринска, Димитров и другите „Северномакедонци“ мора да кажат што прифатиле со Капитулацијата која сега вас ве тераат да ја потпишете?
Се додека не кажат и го кријат Заев од дебата, плашејќи го народот со иднината, тие со лага ве водат кон бришење на идентитетот и креирање новокреирана вештачка нација во нова држава без историја, на територијата на капитулираната држава Република Македонија!
Граѓаните треба да ја знаат вистината и по тоа да се определат како ќе постапат, а не дали во ЕУ има бесплатно здравство и квалитетно образование! Никаква промена на најавените делови од Уставот, нема да го подобрат животот, ниту ќе изградат болници, ќе создадат школи, или ќе донесат пари! Се друго освен вистината што е прифатено да се менува во Уставот, е манипулација и изборен поткуп што го води СДСМ и Зоран Заев.
