Премиерот Зоран Заев денеска за медиумите кажа дека е оптимист дека Никола Груевски порано или подоцна ќе се врати во земјата и ќе ја отслужи казната.
Како што порача Заев, Унгарија како држава нема да дозволи прекршување на меѓународните договори.
„Дојде моментот да се прифати одговорноста. Груевски избега како кукавица надвор од Македонија. Тоа е потврда дека е виновен, а казните мора да бидат одлежани. Ние ќе направиме се, за да го испорачаме назад Груевски“, истакна Заев на денешната прес-конференција.
