ВМРО-ДПМНЕ предлага суштински промени на предлог-законот за Јавно обвинителство кои треба да се вградат во македонското законодавство за во иднина обвинителството да не зависи од никого, изјави претставникот на ВМРО-ДПМНЕ, Антонијо Милошоски
-Ќе предложиме да се воспостави системот за судска пракса од ЕСЧП, а врз основа на пресуди од други земји. Ќе предложиме и буџет, повисоки плати, и соодветни услови за сите обвинители без разлика дали работат во Основните обвинителства, Вишите или Републичкото јавно обвинителство, рече Милошоски.
Прашан дали барањата на ВМРО-ДПМНЕ значат еден вид амнестија, Милошоски рече дека министерката за правда Рената Дескоска е единствената којашто предложила закон за амнестија и дека тој се надева дека тоа повеќе никогаш нема да го направи.
