Околу сто лица присуствуваа на крајно невообичаеното венчавање во Зимбабве, каде во брак стапија осумгодишно момче Санел Масилел и 61-годишната Хелен Шабангу.
Двете семејства на брачната двојка присуствувале на венчавката. Тетката на момчето Пејшенс Масилел (46) објасни зошто се одржа венчавката.
– Момчето доби име по неговот дедо кој никогаш не доживеал церемонија на венчавање, така што оваа венчавка всушност е желба на претците, која ова семејство сериозно ја сфаќа. Момчето само избра сопруга да му биде токму Хелен, рече Пејшенс.
Хелен, која веќе е омажена и има пет деца, се согласи на ритуално венчавање со момчето, затоа што сака да ги направи среќни претците. Нејзиниот долгогодишен сопруг Алфред Шабангу (65), ја поддржува сопругата затоа што смета дека таквиот чин е исправен и додава дека тој и неговите деца се среќни заради венчавката.
Сепак, некои членови на заедницата биле многу изненадени од оваа постапка, сметајќи дека овие семејства премногу сериозно ги разбрале пораките на претците.
Овој брак сепак не е легален, туку е склопен исклучиво за обредни цели. Среќната двојка на крајот на церемонијата го запечати бракот со бакнеж.
