Со фалсификувани потписи, тројца членови на избирачкиот одбор во Прилеп биле кандидрани како советници на листата на Народното движење на Македонија, објавува Вест. Според весникот наставничките Славица Велеска – Мирческа, Билјана Тромпеска и Јасмина Алампиоска никогаш не се согласиле да бидатдел одлистата на НДМ
“Си ги прочитавме имињата во локалниот весник ‘Зенит’. Некој ги фалсификувал потписите и нe запишал на кандидатската листа со матичниот број. Дури пишале дека сме фризерки и козметичарки, а ние сме наставнички и членки на избирачки одбори. Добиле документ од судот за неосудувани.
А не сме потпишале изјави ниту знаеме дека сме биле на листите ниту, пак, сме членови на некоја партија. Знаеме дека само исчезнаа копиите од личните карти при поднесувањето на документите во општинската изборна комисија (ОИК) каде што бевме утврдени за членови на избирачки одбори.
Побараа и копии од трансакциски сметки и открија дека исчезнале копиите од личните карти, и ни побараа нови копии”, велат наставничките од ОУ “Добре Јованоски” Славица Велеска – Мирческа и Јасмина Алампиоска за весникот Вест.
Претседателот на партијата НДМ Јанко Бачев за Вест тврди дека сите кандидати за советници ги минале општинските партиски филтри и дале виза да бидат кандидати.
Извор – Вест
