Организаторите на Евровизија сакаат што е можно повеќе да се намали влијанието на таканареченото соседско гласање, а изведувачите ќе треба повеќе да се потрудат и освен на публиката, да му се допаднат и на жирито.
Секоја песна ќе добие гласови и од жирито и од публиката. Досега само десет песни беа оценувани со поени од 1 до 12 (но без 9 и 11 поени), но тоа веќе нема да се применува. Од оваа година жирито ќе ги рангира сите песни освен својата, а исто ќе биде и со гласовите од публиката.
Песната која има најмал збир на позиции ќе добие 12 поени, со што се дава шанса и на песните кои ќе добијат просечна наклоност кај публиката и жири комисијата да добијат поени при гласањето.
Целта на овој нов систем на оценување е да се намали влијанието од гласовите од публиката, каде соседни земји постојано си даваат 12 поени без разлика на квалитетот на песната.
