Болести на срцето, рак и некои хронични заболувања се најчестите причини за смрт на луѓето денес, покажуваат податоците презентирани во 200-тото издание на New England Journal of Medicine.
Журналот прави интересна споредба за тоа од што се умирало во 1900 година, а од што денеска, повеќе од 100 години подоцна.
На почетокот на 20-тиот век најсмртоносни биле грипот и пневмонијата, потоа туберкулозата и инфекциите на органите за варење. За споредба, денес речиси тројно повеќе луѓе умираат од малигни заболувања, но затоа туберкулозата и воспалението на белите дробови веќе не се смртоносни.
Срцевите заболувања се меѓу најчестите причинители на смрт и во Македонија. Повеќе од 57 отсто од смртните случаи во Македонија во 2010 година биле последица на кардиоваскуларни заболувања, покажуваат податоците на Институтот за јавно здравје.
