Кога луѓето се во опасност, тие најчесто реагираат инстиктивно, а доказ за тоа е и Анли Грахам, кој одлучил да го спаси своето куче пред својата сопруга.
Имено, јужноафриканецот Анли Грахам предизвика бурна реакција кај јавноста откако од јахта која тонела тој најпрво го спасил своето куче, па дури потоа се вратил по сопругата, пишува “Huffington Post”.
Грахам и неговата сопруга Шерил од јужноафриканскиот град Источен Лондон отседнале во јахта на островот Мадагаскар, но на 4 август доживеале несреќа, откако нивната јахта се удрила во карпа и се оштетила, односно започнала да тоне.
Во тој момент, Анли најпрво од јахтата го спасил нивното куче Роси, односно отпливал до брегот, оставајќи го миленичето на безбедно место.
„По несреќата, Грахам испрати порака за помош и го активираше алармот преку ГПС системот. Итно морале да го напуштат бродот.
Мажот потоа со кучето отпливал до брегот, а потоа се вратил по сопругата, чија што опрема за спасување се заглавила, изјавува претставникот од Националниот центар за безбедност во морето, Геог Мекгрегор.
За среќа, на крајот сите биле спасени, а парот одбива да даде изјава за медиумите.
