Награда од 500 евра за сведоштво, информација и доказ кој ќе помогне да се фати трујачот на животни во Ново Лисиче, нуди Здружението за заштита на животни „Анима мунди“.
– Сакаме да ја информираме јавноста за повторно за труење на животно во Ново Лисиче во реонот на АСНОМ (4 – 16) , кое се случи во неделата. Мaалско кутре, милениче наречено Локи – Локумче со последни сили се доближи до луѓе кои ги познавало барајќи помош. Животното било затруено со отров. Благодарение на брза реакција на луѓето и ветеринар кој ни излезе во пресрет, кучето доби силна и комплетна терапија и реанимација но се уште се бори за живот. Ветеринарното лице тврди дека отровот е силен и не се знае кои се последиците, ако кучето преживее – велат од „Анима мунди“,пишува Нова Македонија.
Од здружението додаваат дека ова не е прво труење во реонот и веруваат дека истиот сторител е убиецот и на други животни. Делото е пријавено во полиција а комплетирана документација од ветеринарот ќе биде доставена во МВР.
