Започна изградбата на новиот објект на затворот Идризово, најголема казнено поправна установа во Република Македонија. Со инвестицијата вредна 52 милиони евра ќе се зголеми капацитетот на установата од 900 на над 1.600 лица.
Изградбата ќе се одвива во три фази и ќе опфати изградба на ново приемно, затворско и полуотворено одделение, реконструкција на отвореното одделение, изградба на главна капија, на центар за посети, ново здравствено одделение, спортска сала, работилници, магацини, нов безбедносен ѕид, огради, нова пречистителна станица и нови одделенија во женскиот затвор.
