Властите во САД ги отфрлиле сите обвинениа против Анадел Круз(26) и Александар Бернстин(30) откако двајцата во ноември биле уапсени во Пенсилванија на пат кон Флорида.
Круз возела осум километри над дозволената брзина кога ги запрел полицаец. Тој веднаш „намирисал“ марихуана по што Круз признала дека дента пушила марихуана, но не во возилото. Му дозволила на полицаецот да го пребара автомобилот и тој пронашол две пакетчиња во најлонски кеси. Круз му објаснила дека тоа е сапун што самата го направила, но тој бил убеден дека е кокаин. Освен тоа, полицаецот во градникот на Круз пронашол марихуана.
Парот бил уапсен и обвинет за обид за поседување и пренесување дрога. На Криуз и било додадено и обвинение за поседување марихуана и за непочитување на сообраќајните прописи. На Бернстин му била определена кауција од 500.000, а на Круз од 250.000 долари.
Отакако двајцата поминале цел месец во затвор, со лабораториска анализа било утврдено дека станува збор за сапун од домашно производство. Обвинителот ги отфрлил обвиненијата, а адвокатите на парот сега тврдат дека апсењето било расно мотивирано поради нивното латиноамериканско потекло.
