Вчера околу 12:30 часот во прилепската стара чаршија од бутикот “Лејди Баг” се украдени денари во противредност од околу 1.700 евра, кои сопственичката на бутикот ги понела од дома, со цел да ги конвертира во евра, за со нив да замине во странство во набавка на роба, објави порталот revolucioner.mk.
Безбедносните камери кои што се наоѓаат во бутикот успеале да ги снимат измамничките кои што и ги украле на сопственичката парите. Од видео материјалот е видливо дека станува збор за класична измама, додека едната од двете изманички и го одвлекува вниманието на продавачката, другата девојка го зема паричникот и заминува.
„Во продолжение погледнете ја снимката и доколку можете да ги распознаете девојките кои што го однеле паричникот јавете се на 
078 308 443 – Билјана, или пријавете во полициска станица во Прилеп“, апелира revolucioner.mk.
