Три годишно детенце го убило своето 18 месечно братче со пиштол што го нашло во дневната соба на соседот, каде децата си играле.
Трагичниот инцидент се случил вчера во близина на Феникс, Аризона. Децата со нивната мајка отишле во посета на 78 годишен сосед.Според полицијата, децата во дневната соба нашле полуавтоматски пиштол и го однеле во спалната соба. Пиштолот случајно пукнал а куршумот го погодил помалото дете во главата. Во моментот кога куршумот бил испукан, мајката влегла во спалната соба но не можела да ја спречи трагедијата.
Мајката и соседот тврдат дека не знаеле дека децата земале пиштол, но со оглед на тоа што полицијата во таа куќа нашла повеќе парчиња оружје кои биле на сечиј дофат, не ја исклучуваат можноста за одговорност на возрасните за овој инцидент.
– Пред да зборуваме за можни обвиненија, ги анализираме околностите, прашањето зошто оружјето не било закочено и како децата можеле да дојдат до него. Истрагата ќе трае околу една недела – вели полицискиот шеф Дон Енглер
