Се уште нема никакви официјални информации за тоа кој и зошто синоќа околу 22 часот пукал со куршуми со поголем калибар во зградата на Владата. Вообичаено во вторник навечер Владата ја одржува редовната седница, но овојпат, поради службениот пат на премиерот Никола Груевски во Белгија, седницата е одложена .
Од владината служба за информирање велат дека во времето на пукањето во зградата не бил присутен ниту еден минситер.
Кој и зошто пукал во седиштето на Владата, засега е нејасно. Се уште трае вештачењето, а засега само се претпоставува дека проектилите би можело да бидат испукани од рачен фрлач „зоља“. Најверојатно било пукано од другата страна на реката Вардар, под Калето.
