На фудбалски натпревар денеска починал 18 годишниот М.В од Кавадарци, јавува Дума.мк
Според порталот, лекарите од кавадаречката општа болница потврдиле дека се случил ваков немил настан за време на фудбалско натпреварување во спортската сала “Партизан“.
Момчето сакало да влезе на теренот и да заигра. Но само што ја прескокнало оградата и го направило првиот чекор се струполило на под. Бидејќи не давало знаци на живот, веднаш била повикана брза помош која околу 50 минути се обидувала да го реанимира момчето. Но и покрај превземените мерки, момчето починало.
Причините за смртта на ова младо момче ќе се утврдуваат дополнително. А по наредба на истражен судија ќе биде извршена и обдукција, пишува Дума.мк
