Во белградската зоолошка градина е повредено двегодишно девојче, откако волк и скокна од зад грб.
Волкот бил шетан од волонтерка во зоолошката и во еден момент ненадејно се отргнал и и’ скокнал врз девојчето од зад грб, јавува српски телеграф.
Двегодишното дете со автомобил на итната помош е пренесено во детската болница. Медиумите велат дека за среќа девојчето има само гребаници – од болницата изјавиле дека е во тек санирањето на нејзините повреди, но дека е вон животна опасност.
Животното веднаш после инцидентот е вратено во кафез.
Ова е волкот кој го нападнал девојчето. На фотографијата што ја објави српски Телеграф е белиот волк стар 5 месеци кој го нападнал девојчето. На прашањето зошто се шетаат овие диви животни меѓу децата директорот одговорил дека немаат многу место зо ЗОО и затоа кога нема многу гужва ги шетаат животните. Според него инцидентот бил преувеличен и се работело за мали повреди.
