29 лица од кои 26 деца се повредени од струен удар додека се капеле во базен во кампот „Џордан“ на северот на Чешка.
Повредените веднаш биле пренесени во болница, откако вчеравечер додека се капеле во преполниот базен поминала електрична енергија.
За среќа повредите не се сериозни и ниедно од децата немало срцеви проблеми.
Според истрагата , на некој начин водата продрела во електричните водови и дошло до струен удар.
Полицијата ги истражува точните причини за несреќата.
Инаку деновиве и Чешка како и поголемиот дел од Европа се соочува со тропски жештини со температура од 37 степени, па базените се деноноќно преполни.
