Балканските народи се најдоа во групата на земји во кои живеат најмалку емотивни и чувствителни луѓе, покажало истражување на Галуп.
Според истражувањето, најчувствителни во регионот се жителите на Црна Гора и на Албанија. Во двете земји живеат по 46 проценти луѓе кои се емотивни. Следуваат БиХ, Србија и Македонија со по 44 отсто, а зад нив се Хрватска со 43 и Косово со 42 отсто емотивни луѓе. Во Бугарија има 41 процент “емотивци“.
Во Турција пак, 45 отсто жители се емотивни, во Унгарија – 46, а во Словенија – 48 отсто.
Анкетата била направена врз основа на прашањето до луѓето „дали во изминативе денови доживеале определени емоции, од кои пет позитивни и пет негативни“
