Било само прашање на време кога и случајот Д-р. Оз ќе стане предмет на исмејување. Откако беше сослушан пред Конгресот на САД за измама на јавноста, за Д-р Оз не престанува да се зборува. Од една страна на јавноста и’ се нудат стручни анализи на неговите совети, а од друга страна комичари ја користат ситуацијата за да ја насмеат својата публика.
Тоа го направил и Џон Оливер во својата емисија “Last Week Tonight” која се емитува на HBO. Откако прикажал неколку совети од Д-р. Оз, познатиот водител се запрашал: “Чудотворно цвеќе? Што си ти доктор или трговски патник од стариот Запад?!”
Се разбира, ова не е единствената “злобна” досетка со која Оливер го почастил популарниот доктор и го дал своето мислење за целата ситуација. На крајот заклучил дека д-р. Оз воопшто и не би требало да се нарекува докор кога веќе на луѓето им препорачува безвредни производи.
“Се претставуваш како доктор. Ако сакаш и понатаму да ги промовираш тие глупости, тоа е ок. Но немој тогаш да се нарекуваш доктор, туку наречи ја својата емисија: Проверете ги овие сра*а од некој лик по име Мехмет”, му порачал водителот на д-р. Оз чие вистинско име е Мехмет Ченгиз Оз. А што се’ изнакажал Џон Оливер на сметка на д-р. Оз проверете во видео прилогот:
