Две лица загинаа во пад на спортски авион на аеродромот „Бачки Јарак“ во близина на Нови Сад, јави Танјуг.
Во несреќата загинале пилотот и неговиот сопатник.
Според првичните информации настрадал новосадскиот бизнисмен Томислав Ѓорѓевиќ, сопственик на фирмата ДТП Рибарство, кој пилотирал со авионот. Тој најверојатно е сопственик на приватниот авион во Бачки Јарак.
Идентитетот на другата жртва што била во леталото не е познат.
Авионот бил новиот „SkyLeader 600“, кој учествувал во церемонијата на отворање на новиот аеродром.
