Патниците на аеродромот Игарка на далечниот север во рускиот регион Краснојарск, беа замолени да го подбутнат авионот по пистата бидејќи бил заглавен од страшно ниските температури, кои во тој момент достигнале – 52 степени целзиусови.
Ова би можело да звучи како лоша шега, но на патниците на сибирскиот аеродромот не им било до смеење кога биле замолени да го напуштат авионот на екстремно студеното време и да помогнат при буткањето на авионот по должината на пистата.
Авионот, кој наводно превезувал 74 патници, полета и слета безбедно во регионален центар на Краснојарск.
Еден официјален претставник во канцеларијата на локалниот обвинител, Оксана Горбунова, изјави за новинската агенција Интерфакс дека истрагата ќе биде отворена за да се дознае зошто патниците излегле и го буткале авионот.
