Новинарот на порталот МКД.мк, Бојан Шашевски за време на вчерашниот протест е претепан од полицијата. Тој денеска сведочи како се однесуваа синоќа полицајците кон него и демонстрантите.
– Голем дел од демонстрантите се разбегаа, а јас ја извадив картичката „ПРЕС“, ја кренав во вис и очекував професионален разум. Полицаец со пендрек ме удри силно по грбот. Повторно му ја покажав картичката, овој пат пред лице. Извикав „Новинар сум, што правиш, човече!?“ Наивно, со отворен ум, помислив полицаецот минал елементарен етички образовен стадиум. Ме удираше уште посилно, крвнички – вели Шашевски.
Целото негово сведочење како и фотографии од повредите погледнете на следниот ЛИНК на Мкд.мк
Новинар сум, тепај ме, но нема да ме замолчиш!
