Во деновите од викендот се очекува вистинско летно време. Иако не станува збор на топлотен бран од рекордни размери, сепак ќе почуствуваме умерени „летни горештини“ Максималната температура во сабота речиси насекаде низ земјава ќе има вредности во дијапазонот од 31°С до 35°С. Овие 35 степени се очекуваат во јужниот повардарски регион, пишува спеицјализираниот портал за временска прогноза МетеоПро.
Недела за разлика од сабота ќе биде потопла за еден до два целзиусови степени.
И двата дена ќе бидат генерално стабилно во поглед на временската состојба. Можни се сосема изолирани случаи на развој на купесто дождовна облачност и тоа во планинските региони во јужниот и североисточниот крај во сабота и околу Шара во недела.
И двата дена се очекув висока вредност на УВ индексот: 8. Ова прво вистинско изложување на висока температура годинава како и споменатата вредност на УВ индексот ќе значат и потреба од првенција од штетното влијание на овие два фактора.
Уживајте во летниот викенд.
