Едно лице со потешки повреди со возило на Брза помош е префрлено во Ургентен центар после тешката сообраќајка што се случи вечерва околу 19.15 часот на крстосницата на улиците Втора Македонска бригада и Ќемал Сејфула, на самата граница на општините Чаир и Бутел, јавува Плусинфо.
Во силниот судир на автомобилите „голф 4“ и „ауди“ караван, целосно се оштетени предниците и моторите на двата автомобила. Од голфот е излеано дизел гориво. Коловозот е посеан со парченца стакло и пластика од фаровите и маските и спојлерите на автомобилите.
