Од денеска од полноќ стапува во сила забраната за емитување платено политичко рекламирање на телевизиите, печатените и на електронските медиуми, соопшти Агенцијата за аудио и аудиовизуелни медиумски услуги.
-Забраната е пропишана во член 82 став 1 од Законот за изменување и дополнување на Изборниот законик („Службен весник на Република Македонија“ бр. 196/15) и важи до денот на почетокот на изборната кампања за предвремените парламентарни избори кои ќе се одржат во 2016 година, се наведува во соопштението од Агенцијата.
