Лидерот на ДУИ, Али Ахмети, пред да влезе на средба со европратениците Иво Вајгл, Ричард Ховит и Едвард Кукан изјави дека претходниот договор предвидуваше избори на 24 април и за тоа да се промени мора да има консензус .
Тој датум не може да го одреди самата ДУИ, туку треба да произлезе од сите политички партии со консензус, рече Ахмети.
Според него, откако ќе завршат средбите со европратениците ќе се направи конечна проценка како понатаму ќе се постапи со распуштање на парламентот.
