Протест против либералната азилантска политика на германските власти коj во саботата требаше да се одржи во малото место Бад Зегерберг во северниот дел од земјата откажан e откако се појавил само еден демонстрант.
Според полицијата, осамениот демонстрант го пречекале педесетина контрадемонстранти.
Во Германија во последните две години зачестија големите протести против политиките на отворени врати за барателите на азил на канцеларката Ангела Меркел, бидејќи многумина сметаат дека земјата не може да си дозволи грижа за повеќе од милион имигранти кои пристигнаа само во текот на минатата 2015 година.
Меѓутоа, организаторот на локалниот протест очигледно погрешно го проценил (не)расположението на неговите сограѓани кон доселениците, бидејќи беше единствениот кој се појави/
За обезбедувањето на овој несуден протест со еден демонстрант биле ангажирани 170 полицајци.
Според германските закони потребни се најмалку три учесници за собирот да може да се прогласи за протест. Полицијата на тоа се повика и го прогласи протестот за неодржан, па се разотидоа и контрадемонстрантите.
