Oпасна е тенденцијата на создавање на политичко криминално подземје или спрега на политичарите со субјекти од криминалното подземје. Затоа имаме јасни и недвосмислени индикатори. Покрај собирањето на информациите и превенирањето на насилствата при протести, вршиме и систематско собирање на информации, профилирање на одредени лица кои се провејуваат со незаконски активности под превезот на протести.
Ова го истакна министерот за внатрешни работи Митко Чавков во емисијата „Во центар“ на Васко Ефтов.
-Имаме луѓе од криминалното подземје кои земаат учество на протести. Уште една потврда на таква политико криминална спрега е обидот за убиство на еден од обезбедувањето на поранешниот директор на УБК. Оваа случка не ја споменувам од аспект на класичен криминален случај, туку од аспект на врските и блискоста на извршителот со поединци од СДСМ, вели министерот за внатрешни работи.
