На крстосницата меѓу булеварите „Илинден“ и „Климент Охридски“ во Скопје, ноќеска во 01.12 часот се случила сообраќајна незгода помеѓу патничко возило „мерцедес“ со скопски регистерски ознаки управувано од А.Д.(27) од Скопје и патничко возило „фиат стило“ со кривопаланечки регистерски ознаки управувано од Д.Ј.(26) од Крива Паланка.
Во незгодата со тешки телесни повреди се здобил А.Д. кој бил пренесен и задржан на КАРИЛ во Клиничкиот центар-Скопје.
Од страна на увидна екипа од СВР-Скопје извршен е увид и се работи на целосно расчистување на случајот.
