Шеесет и деветгодишна жителка на Гостивар загинала вечерва околу 20 часот и 30 минути при удар од патничко моторно возила „Лада уаз“ управувано од 79-годишен жител на Скопје, информираат од полицијата.
Несреќата се случила на магистралниот пат Гостивар-Скопје, на потегот од Здуњската крстосница со наплатната рампа кај Гостивар. Жената се обидела пешки да помине преку улицата, но при тоа била удрена од возилото, по што починала на самото место.
Екипи на полицијата и јавниот обвинител доцна синоќа вршеа увид на местото на сообраќајката.
