Љубо Милиновиќ од Житиште, татко на сопственикот на кафулето „Макијато“ во кое вчеравечер се случи невиден масакр, изјавил дека убиецот Синиша Златиќ (38) го совладале келенерот Исидор Сучевиќ и гостинот Милан Мајкиќ, двајцата од Житиште
Инаку, пет лица се убиени, а 20 ранети ноќеска во местото Житиште, крај Зрењанин, кога лицето З.С. (38) влегло во кафулето „Макијато“ и истрелало повеќе куршуми од автоматско оружје, соопшти српското МВР, а пренесе Танјуг.
Тешкото убиство се случило околу 01.40 часот, а З.С. испукал повеќе истрели од автоматското оружје и притоа ја убил својата сопруга и уште едно женско лице, по што продолжил да пука врз сите кои во тој момент се наоѓале во кафулето, наведува МВР на Србија.
