Скопскиот градоначалник Коце Трајановски, вицепремиерот и министер за здравство Никола Тодоров, како и вицепремиерот задолжен за економски прашања, Владимир Пешевски. ги координираат вечерните активности за расчистување на теренот и санирање на штетите предизвикани од катастрофалните поплави во Сингелиќ и останатите поплавени подрачја.
Се прават натчовечки напори, не се губи време и се работи и во вечерните часови со цел санирање на големите штети по природната катастрофа со која се соочија жителите на поплавените места.
И претседателот на ВМРО-ДПМНЕ, Никола Груевски доцна вечерва изврши обиколка на теренот во Стајковци и Сингелиќ, каде лично се запозна со ситуацијата и согледа како напредува расчистување и санирањето на штетите од катастрофалните поплави кои минатиот викенд го зафатија скопскиот регион.
