Вчера наутро во 07.20 часот на делот од пругата помеѓу ЖС Ново Зелениково и ЖС Орешани, на отворена пруга пред стојалиште Орешани, се случила железничка незгода во која патнички воз кој сообраќал на релација Гевгелија-Скопје удрил во автомобил „фолксваген голф“ со скопски регистарски ознаки во кое имало две непознати лица.
Истите од ударот се здобиле со телесни повреди и со екипа на Итна медицинска помош биле пренесени во Скопје.
Увид на местото на настанот извршила увидна екипа на СВР Скопје. За време на увидот железничкиот сообраќај од 07.20 до 10.00 часот бил во прекин.
