Во новата програма што ја предвидуваме, политичката партија ВМРО ДПМНЕ излегува реално пред граѓаните и ветува она што може да го исполни, а тоа е, нови проекти, и многу подобар живот за граѓаните на Република Македонија, изјави министерот за транспорт и врски Владо Мисајловски.
Тој потенцираше дека ВМРО ДПМНЕ станува симбол за Македонија, отсекогаш бил и така ќе продолжи и нагласи дека ВМРО ДПМНЕ исто така станува и симбол за проекти.
-Секаде во Република Македонија се градат нови инфраструктурни проекти, се гради она што е потребно за граѓаните, а тоа е најважно и затоа ние сите ќе продолжиме заедно да ја градиме Република Македонија, заклучи министерот за транспорт и врски Владо Мисајловски.
