Скопје, но и цела Македонија ќе има прилика да ужива на заедничкиот концерт на едни од најголемите музички имиња на Балканот – феноменалниот Владо Георгиев и извонредниот Тони Цетински.
Кој од кој подобар, а доказ за тоа се нивните многубројни хитови кои се пеат од Вардар, па до Триглав. Македонската публика ќе има прилика да ужива во песните како: „Живим сад“, „Ако ми лоше крене“, „Хеј ти“, „Анџеле“, „Опет си побједила“, „Ако то се зове љубав“, „Од милијун жена“, „Кад жена заволи“ и уште многу, многу други.
Музичкото уживање е закажано за на 18. февруар во нашата најголема концертна и спортска сала „Борис Трајковски“, односно „Вип арена“.
– Веруваме дека ова ќе биде едно најдобрите музички случувања во Македонија во последните години. Ние сме особено горди што едни од најзвучните музички имиња во регионот ја прифатија нашата покана за организирање еден ваков голем концертен спектакл – велат организаторите „Прагма“.
Нека февруари биде месец на љубовта, виното и најдобрата музика од Балканот…
Влезниците се во продажба и истите може да ги купите преку продажните места на „купикартизасе“ по цена од 400 денари.
