Ова е местото каде што беше убиен Дилавер Бојку, МВР сеуште без детали. Ова е насловот на агенцијата ИНА, која објави и фотографии од местото на настанот каде беше убиен Дилавер Бојку Леку.
Тој со куршум во челото беше убиен 15 минути пред 17 часот на плажата Аква Блу во Струга каде стопанисува со повеќе објекти.
Напаѓачот истрелал неколку куршуми и избегал со мотор.-Непознато лице околу 16 часот и 45 минути дошло и испукало еден проектил од огнено оружје кој го погодил Д.Б. во пределот на главата, по што почнало да бега. Веднаш потоа синот на Д.Б. со уште едно лице се стрчале кон него во обид да го фатат, но напаѓачот испукал неколку куршуми и кон нив и избегал, информираат утринава од МВР.
Повредиот, велат од полицијата, бил пренесен во струшката болница, каде по кратко време починал. Полициски екипи извршиле увид на местото на настанот, а телото на починатиот по наредба на јавен обвинител е предадено на обдукција. Дополнително, додаваат од МВР, од местото подигнати се траги кои се предадени на вештачење, а интензивно се преземаат мерки за пронаоѓање на сторителот.
Во јавноста веќе се шират гласини дека се работи за крвна одмазда. Сведоци на крвавиот инцидентот кој се случи сред бел ден биле бројните капачи кои во моментот кога се случил немилиот настан биле на плажата со која убиениот стопанисувал.
Дежурните лекари се обиделе да го спасат Леку: –Донесено е лицето Бојку Дилавер од приватни лица, не беше донесен со кола од брза помош. Примен во хируршкото одделение во Струга, видено е кај него прострелна рана во главата. Веќе беше во агонија, односно во биолошка смрт. Иако се обидувавме со анестезиологот дадовме брза интервенција, но не се успеа да се врати во живот, изјави вчера Илми Речи-хирург.
