Министерот за одбрана на Србија, Александар Вулин положи денеска венци на споменикот пред болницата „Драгиша Мишовиќ“ во спомен на загинатите во овој објект за време на бомбардирањето на НАТО врз СР Југославија, пренесе Танјуг.
„Агресијата на НАТО против Србија е страшно злосторство, злосторство за кое никој не е казнет, злосторство против слободен, суверен народ, кој со својата историја и својот живот не заслужил толку страшно злосторство. Не можеме да заборавиме, не можеме да простиме“, изјави Вулин по церемонијата за оддавање почит на загинатите.
Министерот рече дека не знае дали пилотот, кој ја бомбардирал болницата, е казнет за тоа и не е веројатно, како и неговиот командант, кој му наредил да ја бомбардира болницата, не е казнет за тоа.
Според зборовите на Вулин, Србија 19 години по бомбардирањето на НАТО „се уште се опоравува од последиците, се уште го обновува уништеното, се уште се обидува да ги залечи раните, се уште се обидува да заборави, но не може да го заборави и не може да прости“.
