Во пожар на куќа на улица Даре Џамбаз б.б кај последните куќи под ридот Вршник во високиот дел на Велес во пожар на куќе изгореа три малолетни деца на една, две и четири години.
Според информацијата од СВР Велес, пожарот бил пријавен после 16 часот. На местото на пожарот веднаш излегле противпожарната единица, екипа на СВР Велес и лекарска екипа на Брза помош.
– Кога стигнале помошта децата кои биле сами во куќата веќе биле изгорени и за жал немало можност да бидат спасени. Кога избувнал пожарот децата биле сами и заклучени во куќата. Нивните родители ги заклучиле дома и излегле да пазаруваат во продавница – појасни Верољуб Додевски портпарол на СВР Велес.
Полицијата врши истрага за причината на пожарот и за оваа семејна трагедија која ги потресе граѓаните на Велес.
– Пожарот е пријавен од граѓани кај нас во 16:05 минути. Ние отидовме со противпожарното возило џип, а пожарот беше во трошната куќа која е на непристапен терен во шума во високиот дел од градот за последните куќи. Стасавме заедно со родителите кои биле да пазарат во продавница, а ги оставиле децата сами дома. Покривот беше паднат и ние гаснавеме, заедно со нас беше и таткото. А кога изгаснавме мислевме дека децата избегале, но за жал ги најдовме склупчени во едно ќоше, прво ги најдовме целосно задушени од огнот и изгорени – двете девојчиња на две и четири години, а потоа малку понатаму и најмалото едногодишно девојче. Глетката беше страотно. Во куќата немаше ни вода ни струја. Во куќата имаше многу пластични шишиња кои ги собирало семејството, а кое било социјално загрозено – вели Љубчо Лепидовски командир на Територијалната противпожарна единица од Велес.
