„И официјално, Северна Македонија“„Заев: да живее Северна Македонија“; „Веќе и официјално се роди Северна Македонија“; „Со задоцнување од 24 часа испратена вербалната нота“; „Стапува на сила Договорот од Преспа“; „Официјална премиера за Северна Македонија“, се дел од насловите во онлајн изданијата на грчките медиуми по испратената вербална нота од грчкото МНР и по соопштението од владата дека името Северна Македонија официјално стапува на сила.
-Кревањето на знамето на НАТО пред објектот на владата од каде е отстрането името Република Македонија, се одржа во Скопје, а Зоран Заев три пати ја спомена неговата земја со новото име Северна Македонија, објави грчката државна телевизијата „ЕРТ“ во прилогот посветен на свеченоста во Скопје.
-На свеченоста беше и официјално споменато новото име со оглед на тоа дека премиерот Заев неколку пати го изговори името Северна Македонија, објави грчката телевизија „Антена“.
