Корупцијата, во каква и да е форма, не треба да се толерира. Оние кои го поткопуваат владеењето на правото за лична корист и на сметка на народот треба да сфатат дека корупцијата има последици. Соединетите Американски Држави ќе продолжат да бараат одговорност од корумпираните актери, се надевам дека судството и структурите за спроведување на законот во Северна Македонија ќе го сторат истото, порача американската амбасадорка Агелер, на денешната прес-конферецијата по вчерашното проширување на „црната листа“ на Стејт департментот на САД со имињата на Артан Груби и Енвер Беџети.
„ Доказите кои Вашингтон ги разгледува, што ние успеавме да ги собереме, се широко достапни. Прашање, што и јас си ги поставувам. Ако доказите се достапни, а се, тогаш имате финансиска полиција, обвинителство, судство… Постои процес што е достапен тука и сметам дека луѓето во оваа земја сакаат да го видат“, изјави Агелер.
Корупцијата, посочи Агелер, е епидемија и рак на ова општество.
„Половина милијарда долари имаме потрошено на правосудството и како што, имаме кажано, досега немаме добар поврат на нашата инвестиција. Се надевам дека ќе видиме акција на овие именувања, како и на претходните и многу, многу други во оваа земја, за кои луѓето знаат дека се корумпирани и заслужуваат да бидат разгледани како случаи пред надлежните судови во оваа земја“, изјави Агелер.
Од Американста амбасада велат дека црната листа не е затворена, и дека на неа ќе се додадат и други имиња.
