Интернационален тим од научници финансирани од страна на Универзитетот во Бристол во Велика Британија, ги пронашле првите докази за тоа дека луѓето во праисторијата пред 7000 години во Северна Европа го користеле сирењето за прехрана.
Доказите биле најдени и ископани од археолошки локалитети во Полска, а пред оваа студија остатоци биле пронајдени во Анадолија (пред 8000 години) и Либија (7000 години).
Анализата од масните киселини извлечени од керамика која била прободена со мали дупки ископани во Полска. Истражувачите покажале дека млечните производи се обработени во овие керамички садови.
