Стоматолог во стоматолошка клиника во американската сојузна држава Оклахома заразил седум илјади луѓе со ХИВ и други заразни болести.
Се води истрага за докторот Вејн Скот Харингтон од страна на Државниот стоматолошки одбор, Државниот завод за наркотици и Агенцијата за федерална борба против дрога, бидејќи еден од неговите пациенти неодамна беше позитивен на тестот за хепатит Ц и ХИВ без познати фактори на ризик, освен добивање на стоматолошки третман.
Наводно, по спроведената инспекција биле детектирани голем број проблеми.
Поради неправилностите во работата на овој лекар, на сите пациенти на овој стоматолог им се испратени предупредувачки дописи со кои се повикуваат на бесплатно тестирање на ХИВ и хепатитис.
Доктор Харингтон, кој како стоматолог работи 36 години, своеволно ја предал лиценцата за приватна практика и ги затворил своите клиники во Тулса и во предградието на градот Овасо.
