На Флорида беше уловена необична риба со заби, кои потсетуваат на човековите
Ирски турист на Флорида улови необична риба. Рибата има заби, кои многу потсетуваат на човековите. Рибата, чие латинско име гласи „Archosargus probatocephalus“, а Американците ја викаат „овчја глава“ е посебна по тоа што има вилица полна заби, какви што имаат цицачите.
Токму ваква единка улови Ирецот, кој бил на одмор на Флорида. Оваа риба може да достигне должина од 75 сантиметри, а се храни со ракови и школки.
