Врховниот суд ја потврди пресудата на Апелација за пет години затвор казна за Љубе Бошкоски за две кривични дела „злоупотреба на службената должност и овластување“ и „незаконско финансирање кампања“, јави „А1он“, повикувајќи се на извори од судот.
Со ова завршуваат можностите на Бошкоски пред домашните судски истанци за случајот „Кампања“ и му останува евентуално судот во Стразбур.
Инаку, Апелација претходно ја намали првичната казна од седум години, која ја изрече Основниот суд.
Освен за предметот „Кампања“, на Бошкоски му се заканува и затворска казна за ликвидацијата на Марјан Тушевски и Киро Јанев во досието „Ровер“, чие следно рочиште е на 20 мај.
